नमस्कार मित्रांनो ह्या पोस्ट मध्ये आपण माझा आवडता छंद निबंध मराठी म्हणजेच my favourite hobby essay in marathi बद्दल चर्चा करणार आहोत . maza avadta chand in marath म्हणजेच my hobby essay in marathi हा निबंध १०० , ३०० आणि ५०० शब्दात जाणून घेणार आहोत. तर चला सुरु करूया ….
Table of Contents
माझा आवडता छंद निबंध मराठी 2021 | Maza Avadta Chand In Marathi | My Hobby Essay In Marathi In 100 , 300 and 500 words
माझा आवडता छंद निबंध मराठी 100 शब्दात | My Favourite Hobby Essay In Marathi In 100 Words
माझा आवडता छंद वाचन आहे . माझ्या आई बाबांनी मला अगदी लहानपणापासून वाचनाची सवय लावली आहे. मला कितीही अभ्यास असला तरी मी दररोज किमान एक तास माझ्या आवडीची पुस्तके वाचते . मला दररोज वृत्तपत्र वाचायला फार आवडतात . मी अनेक गोष्टींची पुस्तके ,कवितांची पुस्तके ,मासिके वाचते. वाचनाच्या या छंदामुळे बाबांनी मला अनेक प्रकारची पुस्तके आणून दिली आहे . मी माझ्या स्टडी रूम मध्ये छोटेसे वाचनालय बनवले आहे . त्यामध्ये अनेक प्रकारची उपयुक्त पुस्तके आहेत.
मला ज्ञानेश्वरी, भगवतगीता, तुकाराम गाथा, श्यामची आई ,रामायण महाभारत इत्यादी. अनेक ग्रंथ व पुस्तकांनी मला अनमोल विचार दिले आहेत. मला शाळेतील वाचनाने खूप फायदा व मार्गदर्शन मिळाले आहे. वाचनामुळे मला घर बसल्या जगाचे ज्ञान मिळते . मी कुठेही व कधीही वाचन करते . वाचन केल्याने माझे मन नेहमी प्रसन्न राहते. जीवनात कितीही संकटे आली तरी त्यास कसे सामोरे जावे हे वाचन केल्याने कळते . पुस्तके माझी खरी मार्गदर्शक व मित्र बनली आहेत. असा हा वाचनाचा शब्द मला खूप खूप आवडतो . मी तो जीवनभर जपणार आहे.
माझा आवडता छंद निबंध मराठी 300 शब्दात | My Favourite Hobby Essay In Marathi In 300 Words
छंद म्हणजे जोपासलेली आवड . प्रत्येकाला काही ना काही छंद असतो . वाचन ,गायन ,तबला,वादन असे विविध प्रकारचे छंद प्रत्येकाला असतात . दररोज धावपळीच्या जीवनात रिकामा वेळ मिळाला की प्रत्येक जण आपापले छंद जोपासत असतो. आणि आनंद मिळवत असतो . त्याचप्रमाणे माझा छंद आहे बागकाम . लहानपणापासूनच मला निसर्गातील झाडे ,पक्षी, प्राणी ,फळे, फुले यांचे फार वेड आहे . मी माझ्या घरासमोर सुंदर बाग बनवलली आहे . त्या बागेमध्ये मी विविध फळांची ,फुलांची झाडे लावली आहेत.
रंगीबिरंगी सुंदर आणि विविध फळांनी माझी बाग भरली आहे . मी बागेतील सर्व झाडांची विशेष काळजी घेते . दररोज संध्याकाळी सर्व झाडांना पाणी घालते . झाडांना पाणी घातल्यानंतर सर्व झाडे अगदी टवटवीत दिसतात आणि तिचा येणारा सुगंध मला खूप सुखावतो . माझ्या बागेमध्ये मोगरा ,जास्वंद, गुलाब ,चाफा,पारिजातक अशा अनेक फुलांची झाडे आहेत . सकाळी बागेमध्ये प्रवेश केल्यानंतर अनेक फुलांच्या सुगंध आणि परिजातक फुलांचा खाली पडलेला सडा हे दृश्य खूप सुंदर असते . बागेमध्ये उमललेली ही फुले आम्ही देवपूजेसाठी वापरतो .
माझ्या बागेमध्ये आंबा, चिकू, सीताफळ ,पेरू अशी फळझाडे सुद्धा आहेत . त्याच प्रमाणे मी माझ्या बागेत फळभाज्या आणि औषधी वनस्पतीची झाडेही लावली आहेत . जेव्हा मी बाग काम करते तेव्हा मला खूप प्रसन्न वाटते . बागकाम मला निसर्गाच्या जवळ आणते . बागकाम करताना मला निसर्गातील विविध पक्षांचे आवाज ऐकू येतात अशा निसर्गरम्य वातावरणात काम करताना मी उत्साही असते. मी बागेमध्ये लावलेली झाडे हळूहळू मोठी होत आहेत. आपण लावलेली झाडे मोठी होत आहे ते पाहण्याचा आनंद काही वेगळाच असतो .
मी दिवसातून एकदा तरी माझ्या बागेत चक्कर मारून येते . बागेमध्ये प्रवेश केल्यानंतर माझे मन उत्साही आणि प्रफुल्लित होते. बागेमध्ये मला शुद्ध हवा अनुभवायला मिळते. तर रोजच्या धावपळीत मी बागेमध्ये जाते . मला तिथे शांत वातावरण अनुभवायला मिळते . म्हणून मला असे वाटते की बागकाम हा अतिशय चांगला छंद आहे. निसर्ग संवर्धनाला मदत करणारा हा एक छंद आहे . बागकामाची आवड सर्वांनी जोपासली पाहिजे . जेणेकरून जास्तीत जास्त वृक्ष लागवड केली जाऊ शकेल ,निसर्ग संवर्धनाला हातभार लागू शकेल व त्यामुळे आपले आरोग्य हि निरोगी राहते त्यामुळे मला बागकाम करायला खूप आवडते.
- Read Also – Essay On Water Pollution In Hindi Language
माझा आवडता छंद निबंध मराठी 500 शब्दात | My Favourite Hobby Essay In Marathi In 500 Words
आजच्या जगात ज्ञान हीच मोठी शक्ती आहे . प्रत्येकाला आयुष्यात वेगवेगळे छंद असतात . छंद म्हणजे जोपासलेली आवड. प्रत्येक जण आपापल्या मोकळ्या वेळेत आपापले छंद जोपासत असतो . प्रत्येकाला वाचन ,गायन, नाच, चित्रकला वादन असे वेगवेगळे छंद असतात. असे छंद आपल्याला एक वेगळीच ऊर्जा आणि आनंद देतात . छंद हा पैसे कमवण्यासाठी नाही तर थकलेल्या शरीराला नवीन ऊर्जा मिळवण्यासाठी केला जातो. काही छंद खर्चिक असतात तर काही कमी खर्चात केले जातात.
आपल्या रोजच्या धावपळीच्या जीवनातून ते आपल्याला प्रसन्न करतात . वाचन हा माझा आवडता छंद आहे. वाचनाचे महत्त्व पण खूप आहे. वाचन व्यक्तीला योग्य बनवत असते . लहानपणापासूनच मला वाचनाची खूप आवड आहे . माझ्या आजोबांमुळे मला वाचनाची आवड निर्माण झाली. मी लहान असताना ते मला अनेक गोष्टींची पुस्तके वाचून दाखवत . त्यानंतर त्या गोष्टी वाचण्याची सवय मला त्यांनी लावली . वर्तमानपत्र ,मासिक, पुस्तक ,कादंबऱ्या खरंतर अशा अनेक गोष्टी वाचनाची मला आवड आहे .
गोष्टीच्या पुस्तकात साने गुरुजी यांनी लिहिलेले श्यामची आई हे माझे आवडते पुस्तक आहे . पुस्तके आपल्याला ज्ञान देतात ते आपल्याला नैतीक सल्लाही देतात. परंतु जर आपली निवड चांगली नसेल तर वाचनाचा पूर्ण आणि योग्य उपभोग आपण घेऊ शकत नाही . योग्य सामग्री असलेल्या पुस्तके मी वाचत नाही . आमच्या शाळेत वाचनालय आहे. शलाईच्या सुट्टी मध्ये किंवा मोकळ्या तासाला आम्ही मित्र तेथे जातो आणि विविध पुस्तके तेथे वाचतो . वाचनामुळे माझे ज्ञान वाढले आहे . वाचनामुळे अनेक गोष्टींची माहिती मला मिळते . विज्ञान व माहिती तंत्रज्ञान अशा अनेक गोष्टी मला समजल्या आहेत .
पुस्तके माझ्या मेंदूला अधिक तीष्ण बनवतात आणि विचार करायलाही चालना देतात . मला जवळपास सर्व विषयांवरील पुस्तके वाचायला आवडतात. आत्मचरित्र आणि सात्विक माहिती असलेली पुस्तके मला जास्त आकर्षित करतात . याशिवाय मला प्रवासा वरील पुस्तके वाचायला आवडतात . ते मला संपूर्ण जग फिरवतात . महान लेखकांची पुस्तके मला ज्ञान देतात . जर मला एकदा वाचल्यावर पुस्तक समजले नाही तर ते मी पुन्हा पुन्हा वाचतो . महान लेखकांची पुस्तके आपल्या प्रतिभेला आव्हान देतात आणि आपल्याला विचार करण्यास प्रवृत्त करतात.
घरी सुद्धा मी माझे ग्रंथालय तयार केले आहे . माझ्या वाचनाच्या आवडीमुळे बाबांनी मला अनेक पुस्तके आणून दिली आहेत . माझ्याकडे सर्व प्रकारच्या पुस्तकांचा संग्रह झाला आहे . तर रोज शाळेत अभ्यास झाला की मी पुस्तक वाचते . वाचनाच्या छंदामुळे मला कधीच कंटाळा येत नाही . प्रवासात जाताना पुस्तके नेहमी माझ्या सोबत असतात . शाळेला सुट्टी लागली की दिवसातील काही तास मी पुस्तकं वाचते . पुस्तक वाचल्यामुळे माझे मन प्रसन्न आणि प्रफुल्लित होते.
त्यामुळे माझे केवळ ज्ञान वाढले नाही तर एकाग्रता हा गुण सुद्धा वाढला आहे आणि ही एकाग्रता मला अभ्यासासाठी उपयोगी पडते . कोणतेही काम करताना मी एकाग्र होऊन करते . त्यामुळे सगळे काम नेहमी व्यवस्थित पूर्ण होते. मानवाच्या व्यक्तिमत्त्वाच्या जडणघडणीत पुस्तकाचा फार मोठा वाटा आहे. खरोखरच पुस्तके आपले प्रिय मित्र असतात . ज्या व्यक्तींच्या छंद पुस्तक वाचणे असतो तो कधीही एकटा नसतो . शेवटी एवढाच आहे की पुस्तके वाचन हा सर्वात चांगला छंद आहे यात शंका नाही . वाचनामुळे माझ्यावर संस्कार घडले आहेत .
वाचनाचा सर्वात मोठा फायदा म्हणजे घरबसल्या आपल्याला हजारो मैलांवर ची माहिती प्राप्त होते . बुद्धीला आव्हान देणारी पुस्तके वाचल्यामुळे बुद्धीला सुद्धा धार येते. असा हा वाचनाचा छंद मला नेहमी प्रसन्न करतो. पुस्तकांच्या किमती दिवसेंदिवस वाढत आहे . पण आपण वाचनालयात जाऊन पुस्तके वाचू शकतो . वाचन करायला दुसरे काही लागत नाही फक्त वाचनाचीही आवड हवी . रोजच्या कष्टाच्या जीवनातून मला शांत करतो माझ्या मनाला विसावा देतो म्हणून हा छंद मी आयुष्यभर जोपासणार आहे.
निष्कर्ष ( Conclusion )
ह्या पोस्ट मध्ये आपण माझा आवडता छंद निबंध मराठी म्हणजेच my favourite hobby essay in marathi बद्दल चर्चा केली . maza avadta chand in marath म्हणजेच my hobby essay in marathi हा निबंध १०० , ३०० आणि ५०० शब्दात जाणून घेतले . तुम्हाला इतर विषयांवर निबंध हवा असेल तर कंमेंट बॉक्स मध्ये कंमेंट करू शकता . व हि पोस्ट तुमच्या शाळेतील मित्रांसोबत नक्की शेयर करा .
तुम्हाला जर मराठी मध्ये Blogging In Marathi बद्दल माहिती जाणून घ्यायची असेल तर मराठी जीवन ह्या वेबसाइट ला नक्की भेट द्या.
